Unha ventá aberta ao Mundo

 Os nenos e nenas de 4º A, na área de Proxecto Competencial, crearon a súa propia axencia de viaxes. Chamáronlle "Aeroviaxes Arzúa". Unha vez creada a empresa, por parellas, escolleron dous destinos de viaxe: Londes e París. Buscaron en Internet vuelos, hoteis, restaurantes, entradas, monumentos, transportes e organizaron as actividades a realizar no destino nas datas establecidas. Toda esta información recollérona nun tríptico co programa CANVA. Botádelle unha ollada!

O alumnado de 4º B, matriculado na materia de Proxecto Competencial, está realizando investigacións sobre distintos países do mundo. Primeiro situamos cada país nun planisferio e despois buscamos o seu idioma, a súa moeda, a súa bandeira, lugares famosos, comidas típicas e, por último, resaltaron algunhas curiosidades que lles chamaron especialmente a atención.  Este é o resultado do traballo realizado arredor de dous países: China e Colombia.